ОЗНАМЛЇНЯ о зрушіню Studium Carpatho-Ruthenorum 2020

У звязи з актуалнов епідеміолоґічнов сітуаціёв на Словакії і наслїдно приятыма кроками Пряшівской універзіты заміряныма проти шырїню коронавірусу хочеме дати знати штудентам, котры хотїли взяти участь на 11. рочнику проєкту Studium Carpatho-Ruthenorum 2020 напланованім на 7. – 27. юна 2020, же тогорічна лїтня школа ся не буде реалізовати. Зарівно хочеме подяковати вшыткым приглошеным штудентам за їх інтерес о проєкт і высловити надїю, же в будучности обєктівна сітуація нам доволить продовжовати в реалізації проєкту і прияти домашнїх і загранічных штудентів, котры мають інтерес учіти ся русиньскый язык, історію і етноґрафію карпатьскых Русинів.

Доц. ПгДр. Анна Плїшкова, ПгД.
директорка