В четверь, 2. юна 2016 ся в просторах ІРЯК ПУ одбыло третє засїданя узшого кругу языковой комісії в зложіню: доц. ПгДр. Василь Ябур, к.н.; доц. ПгДр. Анна Плїшкова, ПгД.; ПгДр. Кветослава Копорова, ПгД. і Мґр. Зденка Цітрякова, котра была до комісії кооптована по одходї (із здравотных прічін) доц. ПгДр. Юрка Панька, к. н.

Комісія продовжовала у своїм проґрамі з попереднїх засїдань (перше засїданя было 20. новембра 2015; друге засїданя ся одбыло 21. марца 2016). Главнов темов были дакотры корекції правил у морфолоґії, а таксамо дорїшіня частковых пробелмів котры не были настолены при кодіфікації в роцї 1995, (ани при першій управі по десятёх роках – в роцї 2005) і їх наслїдне доповнїня до правил,   (напр.: алтеранція при склонёваню дакотрых назывників, конъюґація часослов із вставным –л-, правопис дакотрых присловників, склонёваня властных мен...), накілько ІРЯК приправлює на выданя высокошкольскый учебник Морфолоґія і словотворїня, котрый выйде кінцём рока 2016 в рамках проєкту KEGА.

До далшого засїданя, планованого на місяць децембер 2016, членове комісії приправлять свої коментарї ід пропонованым змінам і приготовлять далшы матеріалы на корекцію правил правопису.

ПгДр. Кветослава Копорова, ПгД.,
коордінаторка Языковой комісії при ІРЯК ПУ,
фотка: А. Вєтошевова.