17. семінарь карпаторусиністікы

Інштітут русиньского языка і културы Пряшівской універзіты в Пряшові зорґанізовав 24. новембра 2011 в засїдалнї деканкы Факулты гуманітных і природных наук в Пряшові 17. Научный семінар карпаторусиністікы. Семінар під назвов Музей модерного уменя Енді Варгола – 20 років снів і фактів быв присвяченый 20-річній екзістенції і роботї унікатной европской інштітуції, котра ся находить на Словеньску в Міджілабірцях – Музею модерного уменя Енді Варгола. Участь на семінарі прияли екстерный сполупрацовник музею  Мґр. Мартін Цубяк, якый выступив з лекціов на тему Творчость Енді Варгола як інтермедіалный вытварный „продукт“, і кураторка музею ПаедДр. Даньєла Капралёва, яка представила історію взнику і хронолоґію найвызначнїшых подїй, якы позначіли профілацію і сучасный став той інштітуції. Сучастёв семінара было промітаня скороченой верзії філму Комплетный портрет Енді Варгола.

-аз-