3. новембра 2017 ся зышли по пятый раз членове вузшого кругу языковой комісії, котра
обновила свою роботу по IV. міджінароднім конґресї русиньского языка (септебер,
2015). Комісія была доповнена новов членков – докторандков Інштітуту русиньского
языка і културы ПУ – Мґр. Міхалов Голубковов, также в сучасности у вузшім кругу
языковой комісії роблять тоты членове: проф. ПгДр. Йосиф Сіпко, ПгД., доц. ПгДр.
Василь Ябур, к. н., доц. ПгДр. Анна Плїшкова, ПгД., ПгДр. Кветослава Копорова, ПгД.,
Мґр. Зденка Цітрякова, Мґр. Міхала Голубкова.
    Комісія на своїм засїданю проїднала далшых десять спорных пунктів, котры членове
комісії дорїшать, наформулують до пропозіцій на зміны у правилах правопису і
наслїдно предложать шыршому кругу, котрый коордінаторка комісії Др. Копорова
пранує скликати до кінця рока 2017.
    Вузшый круг языковой комісії ся буде ай в роцї 2018 сходити (мінімалнї двараз за рік,
aбо подля потребы), шыршый круг наслїдно буде о вшыткых пропозіціях на зміны
інформованый і буде мати можность ся к них высловити.

ПгДр. Кветослава Копорова, ПгД.,
коордінаторка языковой комісії
при ІРЯК-ПУ.