Menšinové jazyky a školstvo na Slovensku dejiny, súčasný stav a perspektívy. 

Zborník príspevkov z medzinárodnej vedeckej konferencie Rusínska sekcia (Prešov, 29. – 30. októbra 2024)

Презентованый зборник є єдным з публікачных выступів меджінародной научной конференції Меншыновы языкы і школство на Словакії: історія, сучасный став і перспектівы, котра ся одбыла 29. – 30. октобра 2024 в Пряшові.
Конференція была од початку конціпована як одборный простор, де ся будуть стрїчати науковцї з дакількых дісціплін, якы суть з темов меншынового школства повязаны – лінґвістікы, педаґоґікы, історії, културолоґії, соціолоґії і літературной наукы. Конференція не мала лем назвати сучасный став, але передовшыткым отворити діскусію о тім, што є днесь в меншыновій освітї реално функчне, што зістає формалным декларованём прав без підпоры їх уплатнёваня, і де суть граніцї можностей школы, коли языкова контінуіта етнічной ґрупы слабне або ся мінить.