V pondelok 23. septembra boli udeľované ocenenia Prešovského samosprávneho kraju Kniha roka 2023. Informáciu o udeľovaní priniesol web psk.sk:

V poradí 7. ročník súťaže Knihy roka 2023 priniesol ocenenie knižných titulov a publikácií vydaných za uplynulý rok, spätých s krajom tematicky alebo osobou autora textovej či obrazovej časti diela. Vzišli z celkovo 59 kníh, ktoré do súťaže nominovali zostavovatelia, redaktori, vydavatelia, kníhkupci, knižnice, autori i čitateľská obec a ktoré hodnotila odborná porota. Čitatelia si svojich knižných favoritov zvolili už tradične i v internetovom hlasovaní o Cenu verejnosti. (...) Tento ročník regionálnej  čitateľskej ankety priniesol ocenenie tiež v kategórii Ukrajinská a rusínska literatúra, ktorá sa vyhlasuje a hodnotí raz za dva roky. O priazeň odbornej poroty sa v nej uchádzalo celkovo 13 titulov. Tá napokon rozhodla o udelení prvenstva zbierke asociatívnej poézie plnej hlbokých obrazov Синьов країнов (Syňov krajinov) od Petra Medviďa. Druhé miesto udelila knihe Teater Aleksandra Duchnoviča v perekladach Jaroslava Sysaka (DAD v prekladoch Jaroslava Sisáka), ktorú zostavilo duo Valerij Paďak a Michal Pavlič a tretie publikácii Narodny spivanky Rusyniv, kotry jem pozberav, hrav i spivav (Ľudové piesne Rusínov, ktoré som pozbieral, hral a spieval) od Ivana Čižmára.

 

Zvyšok článku na: https://psk.sk/autori-najlepsich-knih-psk-za-rok-2023-si-prevzali-ocenenia/

 

---

Rusínsky portál lem.FM tiež informoval o ocenení: https://www.lem.fm/rusinsky-lavreaty-konkurzu-kniha-roka-psk-2023/

Русиньскы лавреаты конкурзу Книга рока ПСК 2023

В понедїлёк 23-го септембра 2024-го року одбыло ся в просторах Центра реґіоналных документів Бібліотекы Павла Орсаґа Гвєздослава в Пряшові славностне выголошіня резултатів 7-го рочника конкурзу Книга рока ПСК 2023.

В семім рочнику ід катеґоріям, до котрых было можне приголосити книжну публікацію повязану з Пряшівскым самосправным краём, прибыла катеґорія Україньска і русиньска література. Зато одборна порота оцінёвала книжны публікації в пятёх катеґоріях – Белетрія про дїти і молодеж, Белетрія про дорослых, Научна література, Популарно-научна література а Україньска і русиньска література.

По успіхах книг повязаных з Русинами а русиньсков културов в минулых роках то є далшый крок в популарізації русиньской літературы а мотівованю авторів писати а выдавати новы книгы.

Довєдна было в тій катеґорії оцїнёваных 13 книг, з чого 12 репрезентовало русиньску літературу а 1 україньску, причім заступлены были вшыткы літературны катеґорії. В окремых катеґоріях были, як звычайно, выголошены і резултаты чітательской анкеты. Свій голос могли чітателї дати фаворітам посередництвом інтернетового формуларя.

Меджі номінованыма творами была і книга синьов країнов, котра є поетічным дебутом, русиньского новинаря, публіцісты а члена редакції радіа lem.fm, Петра Медвідя. Публікація была выдана Стоваришынём „Руска Бурса‟ в Ґорлицях. Праві тот поетічный дебут, як повіла Валерія Юрічкова, членка одборной пороты, „меджі нима (членами пороты) найвеце зарезоновав‟ і правом здобыв найвысшу оцїнку.

Асоціатівна поезія Петра Медвідя, конштруована глубокыма образами до сітуачного контексту, дотїгує сучасну русиньску поезію на платформу світовой поезії.  Порота оцїнёвала як текстову часть, так і ґрафічну обробку. Книжка є укажков сімбіозы літературного а вытварного уменя. Автором ілустрацій є вытварник Юрій Червеный а публікацію ґрафічно обробила Наталія Малецька-Новак.

Далшы дві оцїнены публікації были оцїнёваны як популарно-научны і перекладовы, єдным з головных крітерій про пороту была свідома робота авторів, як в теренї, так в архівах, при гляданю і комплетізованю фактів а матеріалів на взник тых конкретных публікацій.

Друге місце порота удїлила публікації Театер Александра Духновіча у перекладах Ярослава Сысака, котра є проєктом доц. Мґр. Валерія Падяка, к. н. вєдно з Мґр. Михалом Павлічом ПгД. Публікація „репрезентує важну часть перекладового наслїдства Я. Сысака – дванадцять драматічных творів із словацькой, чеськой, україньской, польской, французьской, російской і другых літератур, а тыж языковы адаптації войводинньско-русиньскых драматічных творів‟.

На третє місце порота оцїнила публікацію Івана Чіжмаря – Народны співанкы Русинів, котры єм позберав, грав і співав. Є то 75 років бадань і роботы у сферї етноґрафії і етномузиколоґїї записаных в книжній формі, а єдночасно барз цїнна робота про захованя нашой русиньской дїдовизны у формі народной співанкы.

В анкетї чітателїв здобыла найбівшу кількость голосів публікація про дїти і молодеж Маме дома псика, котрой авторков є популарна писателька Людміла Шандалова.

Книжку творить 10 куртых легко гуморных оповідань 10-рочного хлопця о веселых моментах звязаных з приходом нового члена родины (псика) і з жывотом з ним. Образ характерістічной русиньской родины одказує на позітівне одношіня авторкы ку дїдовізнї, родинным цїнностям ці материньскому языку, што у формі творчости передає молодій ґенерації.

Цїла творчость авторкы є про русиньску сучасну літературу барз важна, бо є єднов з мала, котры творять про дїти і молодеж. Нагороду за авторку перевзяв Мґр. Каміл Бенько, директор Піддукляньской бібліотекы у Свиднику.

Нагороды про першы тре місця сі были перевзяти авторы публікацій особно.

Мартіна Сівчова
штудентка ІРЯК ПУ, стажістка Руськой Бурсы в рамках проґраму Еразмус+

Фот. psk.sk