Одбыв ся 29. семінар карпаторусіністікы

Друга акція, орґанізована з ініціатівы ІРЯК ПУ была 18. фебруара 2015 в засїдалнї Consilium maius Ректорату Пряшівской універзіты на ул. 17. новембра ч. 15 – уж 29. научный семінар карпаторусиністікы, якым ся отворив уж семый річник того довгодобого проєкту інштітуту. З лекціов на тему Творчость Кветы Мороховічовой Цвик – нова лінія русиньской женьской поезії на Словакії  выступила Мґр. Івана Сливкова, ПгД., літератка з Інштітуту україністікы і середнёевропскых штудій Фіулозофічной факулты Пряшівской універзіты у Пряшові. В проґрамі семінара была і презентація найновшых выдань з карпаторусиністікы,  при зродї дакотрых з них помагали тыж членове ІРЯК ПУ. Участь слухачів свідчіла о тім, же семінары карпаторусиністікы собі уж нашли свій круг навщівників.                                         -aз-