ALBUM

Excursion to the Snina region
Visit to the Castle in Humenné 
Rusyn Language Class with PaedDr. Marcela Ruňaninová at the Elementary School in Klenová.  
Visit to the Starina water reservoir  
Visit to Topol’a, native village of the National Awakener of Carpatho-Rusyns, Alexander Dukhnovych (1803-65); monument and wooden church
Visit to the village of Ruský Potok; the grave of Carpatho-Rusyn writer, Maria Maľcovska (1951-2010); and the military cemetery 
Visit to the village Uličské Krivé and the Greek Catholic wooden church of St. Michael the Archangel (a UNESCO World Heritage Site) 
Visit to the village of Zboj and the memorial plaque to Petro Lodii (1764-1829), professor and philosopher of Carpatho-Rusyn origin, professor and first dean of the philosophical faculty of St. Petersburg University (1819-25), Russia
Return to Prešov

Екскурзія до окресу Снина
Навщіва Каштеля в Гуменнім
Отворена година русиньского языка в Основній школї в Кленовій 
Годину веде: ПаедДр. Марцела Рунянинова
Выглядка на водну гать Старина
Выклад: проф. Др. Павел Р. Маґочій, Мґр. Валерій Падяк, к. н.
Тополя – навщіва родного села Александра Духновіча (памятник, деревяна церьков)
Выклад: проф. Др. Павел Р. Маґочій, Мґр. Валерій Падяк, к. н.
Навщіва села Руськый Потік, гроб Марії Мальцовской, воєньскый цінтерь
Выклад: Мґр. Валерій Падяк, к. н.,
Село Уліч Криве: Ґрекокатолицькый деревяный храм св. архангела Михаіла (УНЕСКО)

Exkurzia do okresu Snina
Návšteva Kaštieľa v Humennom
Otvorená hodina rusínskeho jazyka v Základnej škole v Klenovej 
Hodinu vedie: PaedDr. Marcela Ruňaninová
Vyhliadka nad vodnou nádržou Starina
Výklad: prof. Dr. Paul R. Magocsi, Mgr. Valerij Paďak, PhD.
Návšteva obce Topoľa, rodisko Alexandra Duchnoviča (pamätník, drevený kostolík)
Výklad: prof. Dr. Paul R. Magocsi, Mgr. Valerij Paďak, PhD.
Návšteva obce Ruský Potok, hrob Márie Maľcovskej, vojenský cintorín
Výklad: Mgr. Valerij Paďak, PhD.
Obec Uličské Krivé: Gréckokatolícky drevený chrám sv. archanjela Michala (UNESCO)
Návšteva obce Zboj: pamätná tabuľa P. Lodijovi

Участници Лїтнёй школы навщівили сниньскый окрес

Тополя колыбель

А Стащин кормитель

Ужгород учітель

Пряшів мі погыбель.

(епітаф А. Духовіча)

По першый раз в історії 10-річного проєкту Лїтнёй школы русиньского языка ся одбыла екскурзія до окресу Снина. Участници тогорічного юбілейного рочника SCR так навщівили реґіон, в котрім ся народив і першы рокы свого жывота пережыв наш найвызначнїшый будитель – Александер Духновіч.

Першов заставков на пути із Пряшова быв каштель в Гуменнім, де сьме увідїли умелецько-історічну експозіцію, яка одзеркалює жывот шляхты з часів ренесанції аж до 20. стороча.

Дале наша екскурзія продовжовала до села Кленова, де ся находить єдна з двох школ в тім реґіонї з навчалным языком русиньскым. В школї нас привітала і в короткости нам о навчално-выховнім процесї і актівітах, якы школа орґанізує, побісїдовала директорка ПаедДр. Марцела Рунянинова. Основну школу з матерьсков школов в Кленовій навщівує высше 80 дїтей, з котрых ся векшына учіть русиньскый язык. Навчалный процес в школї фунґує подля двох школьскый навчалных проґрамів. Русиньскый язык ся до едукачного процесу в ОШ Кленова етаблує поступно, зато ся го учать лем школярї од 1. до 6. класы, а поступно ся каждым роком приберать далша класа.

Учітелькы із школярями сі про участників Лїтнёй школы приправили інтересный проґрам. Відїли сьме назорну годину русиньского языка а дївчата із шестой класы нам заграли приповідку Піпі довга штрімфля, з котров были на конкурзї Духновічів Пряшів в катеґорії малых драматічных форем оцїнены першов преміёв. Дїти із матерьской школы нам зась красно задекламовали стишкы і заспівали русиньскы співанкы.

Дале наша екскурзія продовжовала до улічской долины, находячой ся в народнім парку Полонины. На выглядцї на Старину Др. Валерій Падяк участникам приближыв історію выселїня семох сел в 80-ых роках, кедь ся будовала водна гать і задекламовав стишок із творчости Юрка Харитуна, родака із Старины, села яке днесь уж не екзістує.

В селї Тополя сьме сі од Др. Падяка коло памятника А. Духновіча выслухали коротку біоґрафію того русиньского будителя і як є традіціёв, коло памятника сьме заспівали гімн Русинів – Я русинъ былъ, єсмь і буду.  Навщівили сьме ай деревяный храм св. Михаіла Архангела, в якім быв подля вшыткого хрещеный і А. Духновіч.

Далшы нашы крокы вели до Руського Потока, жебы пєтным актом коло гробу Марії Мальцовской сьме сі припомянули тоту вызначну русиньску писательку і здали їй честь.

В Улічскім Кривім сьме навщівили ґрекокатолицькый храм св. Михаіла Архангела із зачатку 18. стороча, де нам выклад зробив містный дзвінник п. Келемеца і відїли сьме іконы старшы як сама церьков, якы походять із 16. стороча.

Послїднёв заставков было село Збой, де ся находить памятна табла Петрови Лодїёви, представителёви русиньской інтеліґенції, вызначному педаґоґови, філозофови, якый на зачатку 19. стороча одышов до Санкт-Петербурґу, де ся став першым деканом Філозофічной факулты Санкт-Петербурґской універзіты.

Екскурзія была довга, но можеме сконштатовати, же участникам ся любила і віриме, же буде мати своє місто і в проґрамі далшых рочників Лїтней школы SCR.

Мґр. Михала Голубкова

інтерный докторанд ІРЯК ПУ